Համաշխարհային առեւտուրը 13-32 % կկրճատվի․ԱՀԿ

Ակնկալվում է, որ 2020թ․ համաշխարհային առեւտուրը 13-32 % կկրճատվի, որովհետեւ COVID 19 պանդեմիան խաթարել է տնտեսական նորմալ ակտիվությունը եւ կյանքն ամբողջ աշխարհում։

Առևտրի համաշխարհային կազմակերպության գլխավոր տնօրեն Ռոբերտո Ազեվեդոն 2020թ․ առևտրի հեռանկարների մասին հանդես է եկել ուղերձով։

Ուղերձում նա նշում է, որ COVID-19-ով պայմանավորված ճգնաժամը համաշխարհային տնտեսության մեջ առաջացրել է առաջարկի և պահանջարկի կտրուկ ցնցումներ, որոնք առևտրի համար անխուսափելիորեն առաջացնում են խոշոր խնդիրներ:

ԱՀԿ տնտեսագետները կանխատեսում են, որ առևտուրը կտրուկ կերպով ընկնելու է բոլոր տարածաշրջաններում և տնտեսության բոլոր ոլորտներում: Ըստ լավատեսական սցենարի՝ 2020թ. ապրանքաշրջանառության ծավալների մեջ համաշխարհային առևտրի ծավալները կարող են իջնել 13% -ով։ Եթե պանդեմիան վերահսկողության տակ չառնվի, ապա անկումը կարող է լինել մինչեւ 32% եւ ավելի։

ԱՀԿ կանխատեսումներով՝ առեւտրի անկումը, հավանաբար, կգերազանցի 2008-09թթ․ համաշխարհային ֆինանսական ճգնաժամի ցուցանիշը։ Թեեւ այս երկու ճգնաժամերը որոշակի առումով նման են, բայց նաեւ՝ շատ տարբեր: Ինչպեսև 2008-09թթ․, այնպես էլ հիմա կառավարությունները պետք է միջամտեն դրամավարկային և հարկաբյուջետային քաղաքականությանը `դիմակայելով անկմանը և ժամանակավոր եկամուտների աջակցություն ցուցաբերեն տնտեսվարողներին և տնային տնտեսություններին:

Առեւտրի Համաշխարհային Կազմակերպության գնահատականով՝ եթե պանդեմիան շուտ հաղթահարվի, ապա 2021թ. երկրների մեծամասնությունում կգրանցվեն վերականգնման երկնիշ ցուցանիշներ՝ մոտ 21-24%։